Que ben o pasamos bailando!!!

Na última maleta de Chispa chegou este fermosísimo libro con CD e DVD da Editorial Kalandraka coas músicas e os bailes de un montón de cancións estupendas para bailar, grandes e pequenos. Pasámolo xenial, e iso nótasenos nas caras!!! Ou non???
Seguimos ensaiando porque queremos facelo xenial no próximo festival e aínda temos moito que mellorar, porque cando se acelera a música, poñémonos algo nerviosos, pero... que ben o pasamos bailando!!!

Nota: o audio orixinal está substituido para facilitar a montaxe.

Hoxe, 23 de abril de 2010, celebramos o Día do Libro cunha gran festa na nosa Biblioteca. Este ano, desde o Concello de Ferrol adicóuselle a Xoan Farias esta grande Festa da lectura, do libro e da palabra.

Nos, desde o CEIP de Pazos adicámoslle tamén a el este día, cun precioso audiovisual sobre a figura de este escritor, nado en Serantes e coa ilustración do conto "Cando Arturo escapou da casa".

Aquí tedes as nosas creacións.

Estamos feitos uns artistas!!!

E como sempre que sucede algo especial na Biblio, soou o máxico "Chis-chis-plof-plof!" e apareceu a maleta de Chispa... pero desta vez tamén apareceron uns paquetes cun envoltorio do máis particular... cheíño de letras... e que era o que había dentro??? Neses paquetes e no Día do Libro, por suposto que houbo un montón de libros de regalo para a nosa Biblioteca, para que os poidamos disfrutar todos e todas, tanto no cole como na casa...

E na maleta... pois un montón de agasallos para todos!!! Esta Chispa... non deixa de sorprendernos!!!

E aquí tedes as fotos!!!

Chispa de paseo polo cole

Preme na imaxe de Chispa para seguir o enlace ao blogue da Biblioteca.

Día da Muller Traballadora 2010

Hoxe chegou a maleta cargadiña de libros para celebrar o Día da Muller Traballadora e grazas a Chispa, podemos ver as fotos de hoxe na Biblioteca. Non deixedes de visita o Blogue da Biblio, que está cargadiño de novidades!!!

Chis, chis, plof, plof!!!

E despois escoitamos o conto titulado "UNA FELIZ CATÁSTROFE", escrito por Adela Turin e ilustrado por Nella Bosnia, grazas á nosa incansable profe Ana. Podédelo ver no seu blogue "Medrando xuntos".

Tamén os deixo aquí un conto sobre Wangari, Premio Nobel da Paz 2004, unha muller que foi un exemplo para a súa comunidade.

Aforrando enerxía

Hoxe de novo chegou unha carta de Chipa recordándonos que está no noso cole a exposición "Aforrando enerxía", da asociación Lapis Verde, composta por 15 paneis ilustrados por Leandro Lamas e que pretenden concienciarnos sobre o aforro de enerxía para tentar frear o cambio climático.
Ademáis a maleta de Chispa desta vez veu cargada de agasallos, todos eles relacionados co medio ambiente, a reciclaxe ou o aforro de enerxía.

Recordade que a exposición está aberta tamén para os pais e nais que queiran visitala.

E para ir practicando ca importancia do aforro enerxético, aquí vos deixo un xogo que atopou a profe Ana.

Comezamos o ano con moitos agasallos!

Hoxe apareceu a maleta de Chispa polo cole, co seu inconfundible Chis, chis, plof, plof!, pois resulta que á nosa meiga amiga os Reis Magos deixáronlle un libro tan precioso, que non se puido resistir a compartilo con nós: "Genealogía de una bruja". Como sempre, dentro da maleta había libros, revistas, algún marcapáxinas e por suposto, unha das súas preciosas cartas.

Ademáis, debímonos portar xenial o ano pasado, porque os Reis Magos deixaron no cole para nós unha multifunción, conexión a internet na aula (xa era hora!!!) e pompeiros para enchelo todo de burbullas de cores!!!