Árbore de outono. Cando as palabras significan máis dunha cousa.

Xa sabedes que participamos nun proxecto intercentros de Poesía Experimental, feito por un mar de "mestras-redeiras" que texen imaxes e palabras, enmarcado dentro dun Proxecto de Normalización e Dinamización Lingüística entre xa máis de 17 centros e ao que cada día vanse sumando máis.
Pois ben, velaiquí a nosa primeira contribución ao proxecto, inspirados polo caligrama do caracol das nenas e nenos do Santiago de Oliveira, e os caligramas de Apollinaire, e dentro dun proxecto global propio do centro no que se traballaron as árbores autóctonos da nosa comarca.

A profe Rosa axudounos a escribir as palabras e as profes Ana e Carmen a darlle este acabado final tan espectacular!!!

Esperamos que vos guste a nosa caligram-árbore de outono.

Podedes velo tamén en http://redeiras.blogspot.com

Poemas da lúa e caligramas

A SEÑORA LÚA


A LÚA RUEIRA,
COMO ANDA DE NOITE,
SEMPRE ESTÁ TRISTEIRA.

Se queres probara a facer os teus propios caligramas, pincha sobre a imaxe

Aquí tedes outros caligramas deste mesmo poema:

Grazas a esas amizades virtuais que vanse creando a través dese seguimento do traballo que imos facendo unhas das outras, podemos ir reciclando materiais doutros profes. Grazas ás mestras do CEIP de Quintela, en Moaña, por compartir os seus materiais en Poemas para peques, e grazas tamén a Uxía, gran persoa, mestra e amiga, ás súas Sereas, e ao CEIP de Aguiño, ao que levarei sempre no meu corazón.

Que son os caligramas???

Que fantástico pode ser que as letras teñan máis vida que a que lle quere dar a semántica e as escrituras sexan capaces de significar máis dunha cousa ao mesmo tempo. Veremos este video para ver se pode inspirarnos un pouquiño e nos axuda a crear textos que poidan significar todo o que sexamos capaces de imaxinar!!!

Esta iniciativa nace dentro dun proxecto intercentros, na que xa estamos participando 17 centros galegos e ao que día a día vanse sumando novos participantes. Podédelo seguir en:

http://redeiras.blogspot.com/

REDEIRASÉ é un caderno de Poesía Experimental, feito por un mar de "mestras-redeiras" que irán texendo con imaxes, con palabras, con silencios, con complicidade...anaquiños do sentir das nosas nenas e nenos e que está enmarcado dentro dun Proxecto de Normalización e Dinamización Lingüística entre centros.