Hoxe venres, celebramos o Día Mundial da Poesía (21 de marzo) xunto co Día Mundial do Teatro (27 de marzo) cunha pequena reunión na nosa Biblioteca, para a que estivemos preparando este precioso video coas nosas voces, recitando os poemas sobre nos mesmos que inventamos hai xa un tempiño.
Hai algo máis dun mes e para celebrar o Día da Candeloria empezamos a preparar este fermoso traballo, falando do bo que cada un de nós tiñamos e saíron unhas fermosas poesías. Fixémolas entre todos e logo cada un escribiu a súa. Ademáis a profe sacounos unhas fotos, de frente e de perfil coas que fixemos uns divertidos collages. Poesía para os oídos pero tamén poesía para mirar.E aquí tedes o resultado!!!
Se queres probara a facer os teus propios caligramas, pincha sobre a imaxe
Aquí tedes outros caligramas deste mesmo poema:
Grazas a esas amizades virtuais que vanse creando a través dese seguimento do traballo que imos facendo unhas das outras, podemos ir reciclando materiais doutros profes. Grazas ás mestras do CEIP de Quintela, en Moaña, por compartir os seus materiais en Poemas para peques, e grazas tamén a Uxía, gran persoa, mestra e amiga, ás súas Sereas, e ao CEIP de Aguiño, ao que levarei sempre no meu corazón.
