Lúa chea de chocolate

Onte a lúa estivo chea, e para celebrar a nosa primeira lúa chea da que fomos realmente conscientes, quixemos saber a que sabe a lúa, como di o conto de Kalandraka co que estamos a traballar.

E resultou que, como no conto, a lúa sabe precisamente ao que máis lle gusta a cada un. Por eso, non podía ser doutra forma e o noso primeiro pan de lúa sabía a chocolate.

Ademais, queda probado que somos capaces de untar, tarefa nada doada con 3 e 4 anos. Pero a motivación de averiguar a que sabe a lúa fai posible estes pequenos milagres.