pequesPazos

Aprendendo sobre o Sistema Solar

2012-02-12T15:30:00.000+01:00

Estes días estivemos aprendendo un montón de cousas sobre o Sistema Solar: os nomes dos planetas, a súa clasificación, algunhas das súas características.
Se premedes na imaxe de arriba, tedes un fantástico enlace para repasar todo o que aprendeches!!!

Dia da Paz 2012

2012-01-30T06:00:00.000+01:00

Como sempre, grazas a Ana Martínez de AulaTIC.

Preparándonos para o Nadal

2011-12-09T13:00:00.000+01:00

E chega o momento de preparalo todo para o Nadal. Felices Festas a tod@s!!!

E por supostísimo, o libro lim da nosa boa amiga Ana Martínez sobre o Nadal.

Samaín 2011

2011-10-25T21:45:00.006+02:00

Grazas á nosa querida Ana Martínez.

Da man do CEIP Juan Fernández Latorre.

Conto: Indo para o Samaín

De Aula Virtual de Audición e Linguaxe

O proceso de fermentación (3)

2011-10-18T23:30:00.000+02:00

Aquí vos queda un repaso do noso 1º experimento.

Moi prontiño as nosas anotacións!!!

Xogos de outono

2011-10-12T12:00:00.001+02:00

Coma sempre a nosa Ana, de Aula Tic, non para e nos achega tres estupendos xogos de outono. Grazas por compartir!

O proceso de fermentación (2)

2011-10-10T18:00:00.000+02:00

Como xa somos maiores empezamos a escribir en libretas. E que mellor comezo para estas libretas que escribir sobre o noso primeiro experimento sobre o proceso de fermentación, non credes?

O proceso de fermentación

2011-10-05T16:35:00.005+02:00

Como o proceso de fermentación do mosto é un fenómeno carbónico sabíamos que se tiña que liberar un gas en forma de burbullas. E para non deixalas escapar puxémoslle un globo á nosa botella.

O gas ía a inchar o globo, de iso estábamos seguros, pero...

¿CÁNTO ÍA TARDAR?
¿CÁNTO ÍASE A INCHAR?

A nosa seguinte pregunta foi:

¿CÁNTOS DÍAS TARDARÁ EN ESTOUPAR O GLOBO?

Por iso decidimos sacarnos unha foto cada día cun cartel nas mans que dí o número de días que leva o mosto fermentando. Así poderemos ver cánto se vai inchando o globo cada día.

Como sempre, as fotos para os curiosos:

Facemos mosto

2011-10-03T22:34:00.003+02:00

Hoxe fixemos mosto no cole coas uvas que nos trouxo a profe e que colleu na fin de semana.

Para facelo temos que lavarnos ben as mans, ben frotadiñas as puntas dos dedos para eliminar calquera suciedade.
Despois esmagamos as uvas, primeiro coas nosas mans e logo cun pisador.
Logo colamos a maga cun escurreverduras que tiña os furados grandes e colábanse as pepitas e algún que outro "hollejo" e despois cun colador, co que lle sacamos todas as pepitas.
Ao final, e despois de probalo, hummm... que rico!!! gardamos un pouco nunha botella. Estamos moi interesados en descubrir que é o que vai acontecer no proceso de fermentación.
O outro día aprendimos que para que o mosto se convirta en viño ten que pasar 15 días e que nese tempo libérase un gas (de aí o "fenómeno carbónico").
O gas non o podemos ver, que é como o aire, por iso puxémoslle na boca da botella un globo. Se aparece o gas inchará o globo. Veremos que é o que acontece!!!

De momento as fotos do proceso:

Investigando: A fermentación da uva

2011-09-28T15:36:00.005+02:00

Chegou o outono e como todos os anos falamos das froitas e froitos que maduran nesta época do ano:
LARANXAS, PERAS, MAZÁS, FIGOS, UVAS... CASTAÑAS, AVELÁS, LANDRAS, NOCES... Hummmm!

Todos os anos facemos colares de castañas, asámolas no patio, comémolas... Pero este ano, ademais, imos a facer mosto no cole... o que nos servirá para investigar sobre os procesos que teñen lugar para logralo.

Coñecemos xa as partes da uva, dos acios, as da vide, e agora estamos comenzando a investigar sobre o proceso de FERMENTACIÓN. De momento, temos varias preguntas ás que darlles resposta:

- ¿CÁNTOS DÍAS TEN QUE ESTAR O MOSTO NA CUBA PARA CONVERTERSE EN VIÑO?

- ¿O AZUCRE DA FROITA TEN ALGO QUE VER CO PROCESO DE FERMENTACIÓN?

- ¿HAILLE QUE BOTAR ALGO AO MOSTO PARA QUE SE CONVERTA EN VIÑO?

- ¿QUÉ SIGNIFICA "FENÓMENO CARBÓNICO"?

Déixovos uns videos para ver se atopades algunha das respostas.

Empezamos!!!

2011-09-28T15:35:00.001+02:00

Unha etapa que acaba...

2011-06-22T23:00:00.002+02:00

... e outra que comeza. Novas ilusións, novos libros, novos profes, novas cousas por descubrir e aprender... Levades unha boa equipaxe. Non a deixedes polo camiño.
Foron tres anos compartindo vivencias, risas, descubrimentos, segredos...

E eu so podo darvos as grazas, a todos.

Paseo por Doniños

2011-06-22T21:28:00.007+02:00

E para rematar o curso, que mellor forma que sair de excursión? Fixemos unha pequeniña ruta de senderismo pola zona de Doniños cunha pequena paradiña para tomar a merenda.

Camiñamos moito, moito, moito... pero como xa somos maiores non nos queixamos nada... bueeeeno... case nada.

A maior parte destas imaxes foron gravadas polos nenos da clase. Distínguense facilmente polo "punto de vista" máis baixo.

Se queredes ver unha reportaxe fotográfica super-completa, preme aquí.

Escribimos un comentario no blogue da biblio

2011-06-16T20:30:00.003+02:00

Como homenaxe ao noso Xoán Farias, decidimos escribir un comentario no blogue da Biblio. Costou un pouco, porque non estamos acostumados a usar o teclado para escribir. Dásenos mellor o lapis e o papel, pero é unha ocasión especial na que tamén queremos deixar o nosa pegada.

Entre varios escribimos este pequeno texto. Animámosvos a que fagades vós o mesmo!!!

Xoán Farias. In Memoriam

2011-06-11T12:00:00.001+02:00

Kandinskeando (2)

2011-06-01T18:12:00.003+02:00

E velaiquí tedes o resultado!!! Éste é o noso ...
"ESTUDO DE COLOR CON CADRADOS E

CÍRCULOS CONCÉNTRICOS".

Comparádeo co orixinal de Wasilly Kandinsky.

Moi pronto un mantel individual para as vosas casas!!!

Kandinskeando

2011-05-26T21:10:00.001+02:00

E aquí está o noso traballo plástico da semana. Estamos facendo a nosa propia interpretación do cadro

"ESTUDO DE COLOR CON CADRADOS E CÍRCULOS CONCÉNTRICOS"

Desfrutade coas fotos!!!

Moi pronto veredes o resultado final...

E máis Kandinsky

2011-05-25T17:10:00.000+02:00

Kandinsky

Quen é Kandinsky? (2)

2011-05-24T16:34:00.007+02:00

E hoxe chegaron estas dúas anotacións, entre outras cousas, e así puidemos saber onde naceu e onde estudou pintura... datos que nos viron moi ben para facer o traballo de hoxe.

Grazas, familias, por colaborar!!!

Ademais puidemos ver nuns libros sobre Kandinsky que aínda que fixo moitos cadros abstractos (que non representan nada real) tamén ten uns cuadros de paisaxes moi fermosos. Vimos tamén como algúns cadros están pintados con puntiños e outros con pequenos trazos. Descubrimos así outras formas de pintar...

¿Cómo cres que se chamará este cadro?

Quen é Kandinsky?

2011-05-23T18:00:00.005+02:00

Despois de averiguar que os círculos superpostos de distintos tamaños pero que teñen o mesmo centro chámanse CÍRCULOS CONCÉNTRICOS, Kelly, que era hoxe o encargado, escribiu en Google imaxes

"CIRCULOS DE COLORES CONCÉNTRICOS"

e grazas a esta búsqueda descubrimos que o cadro misterioso era de WASSILY KANDINSKY.

Por iso enviamos unha nota, a ver se os papás e as mamás nos poden axudar a saber algo máis.

De momento, xa empezamos a crear a nosa reproducción do cadro dos círculos concéntricos, que se leva por nome:

ESTUDO DE COLOR CON CADRADOS E CÍRCULOS CONCÉNTRICOS

Para ver máis cadros de WASSILY KANDINSKY podes premer na imaxe a continuación.

E para saber máis da súa vida preme no nome do artista.

Título e autor

2011-05-09T22:00:00.001+02:00

Mira este cadro. Realmente é fermoso, non cres? Mírao ben... descubre as formas que están nel agochadas e descríbeas. Fácil, non? Mira as súas cores... Pensa no que pode significar... Fala do que ves, do que sintes...
E agora, di: Que nome lle porías ti a este cadro? Hoxe toca xogar a imaxinar...
E con todo o que sabemos xa, fagamos unha búsqueda en Google imaxes para atopar o nome verdadeiro do cadro e o seu autor.

Letras Galegas 2011: Lois Pereiro (3)

2011-05-08T16:00:00.006+02:00

E da man do CEIP As Covas, de Meaño, podemos saber algo máis da vida de Lois Pereiro: os seus orixes, a súa infancia, as súas viaxes e por suposto a súa obra.

Grazas por compartilo.

Tamén deixo un fermoso poema do homenaxeado para aprender.

Revisando os danos

A MAN DEREITA Á DEREITA DO CORPO,
A MAN ESQUERDA Á ESQUERDA.
EN PLENAS FACULTADES,
TEÑO A CABEZA NO CENTRO DO MUNDO
E VOULLE CAMBIANDO OS ARGUMENTOS
ÓS MEUS SOÑOS ESCASOS E PRUDENTES.

Letras Galegas 2011: Lois Pereiro (2)

2011-05-04T16:05:00.003+02:00

E grazas ao Seminario Galán, podemos acercarnos á vida de Lois Pereiro de forma divertida e amena, xogando con este outro libro LIM.

Letras Galegas 2011: Lois Pereiro

2011-05-02T15:33:00.007+02:00

E como non, outra vez máis, a nosa profe e amiga Ana Martinez deixounos este libro LIM sobre o escritor Lois Pereiro, a quen se lle adica este ano o Día das Letras Galegas.

Grazas, compi!!!

Lenda de San Xurxo

2011-04-13T16:40:00.005+02:00

E como o 23 de abril, Día Internacional do Libro, estaremos disfrutando das vacacións de Semana Santa, adiantámonos un pouco en coñecer a lenda de San Xurxo.

Preparándonos para a Pascua

2011-04-12T00:05:00.003+02:00

E outra vez máis a nosa tan querida profe Ana deixounos un novo libro LIM para que xoguemos con el. E que esta profe non para!!!

Cómo agradecerte todos estes libros LIM tan requetechulísimos que fas e que compartes sempre con nós???

Desde o Cole de Pazos mandámoste un milleiro de bicos. Grazas, profe!!!

Xa estamos en primavera (2)

2011-04-05T00:10:00.001+02:00

E aquí tedes un libro LIM da profe Ana sobre a primavera que nos deixou na nosa páxina web o curso pasado!!! Grazas Ana por compartir sempre o teu traballo con nós!!!

Día Intenacional do Libro Infantil e Xuvenil

2011-04-02T00:10:00.001+02:00

Imaxe de OQO

Se premes na imaxe poderás ver todas as actividades que realizamos para celebrar o Día Internacional do Libro Infantil e Xuvenil, recollidas nun Glogster, sobre o libro "Galego. Á beira do mar" de Xoán Farias. E moitas máis cousas no blogue da nosa BIBLIOTECA.

Celebramos o Día da Poesía e o Teatro 2011

2011-03-25T00:10:00.000+01:00

Hoxe venres, celebramos o Día Mundial da Poesía (21 de marzo) xunto co Día Mundial do Teatro (27 de marzo) cunha pequena reunión na nosa Biblioteca, para a que estivemos preparando este precioso video coas nosas voces, recitando os poemas sobre nos mesmos que inventamos hai xa un tempiño.
Que difícil que foi falar polo micro sen trabucarse!!! E aínda así...

Querémolo compartir con vós!!!

Xa estamos en primavera!!!

2011-03-21T19:00:00.001+01:00

Xa estamos en primavera!!! Así que estamos en tempo de observar con atención todos os cambios que se están a producir ao noso redor. Nas árbores, no tempo, nos animaliños... Despois dun longo inverno, chega o bo tempo. Pero ollo, que na primavera tamén chove, e é que xa se sabe: EN ABRIL, AUGAS MIL.

Pintar con palabras

2011-03-11T21:00:00.002+01:00

Hai algo máis dun mes e para celebrar o Día da Candeloria empezamos a preparar este fermoso traballo, falando do bo que cada un de nós tiñamos e saíron unhas fermosas poesías. Fixémolas entre todos e logo cada un escribiu a súa. Ademáis a profe sacounos unhas fotos, de frente e de perfil coas que fixemos uns divertidos collages. Poesía para os oídos pero tamén poesía para mirar.

E aquí tedes o resultado!!!

Idea orixinal en Mirades Menudes

Entroido xa está aquí!!!

2011-03-07T00:22:00.004+01:00

Este ano o Meco mareounos toda a semana!!! Cada día unha cousa diferente e sen olvidarse da anterior...
e así estábamos o xoves que xa parecíamos antroidos... pero salvámonos da fariña, ufff, menos mal!!!

E o venres disfrazámonos, este ano con apaños da casa. Noraboa a todos por participar!!!

VOLTAMOS O XOVES!!!

Que ben o pasamos bailando!!!

2011-03-02T00:10:00.001+01:00

Na última maleta de Chispa chegou este fermosísimo libro con CD e DVD da Editorial Kalandraka coas músicas e os bailes de un montón de cancións estupendas para bailar, grandes e pequenos. Pasámolo xenial, e iso nótasenos nas caras!!! Ou non???
Seguimos ensaiando porque queremos facelo xenial no próximo festival e aínda temos moito que mellorar, porque cando se acelera a música, poñémonos algo nerviosos, pero... que ben o pasamos bailando!!!

Nota: o audio orixinal está substituido para facilitar a montaxe.

Quen é quen?

2011-02-28T19:10:00.004+01:00

Quen é quen?

Xoga a adiviñar quen se esconde detrás destas caroutas!!!

Libro LIM do Entroido

2011-02-25T18:38:00.002+01:00

En CASA DE TOLOS podedes atopar este precioso libro LIM colaborativo.

Preme na imaxe para empezar a xogar!!!

Caroutas de Entroido

2011-02-25T17:14:00.004+01:00

E por fin podedes ir vendo cómo quedaron as nosas caroutas de Entroido. A verdade e que deron moito traballo... pero quedaron preciosas!!!
Primeiro, inflar o globo do tamaño da nosa cabeza, e logo poñerlle papel de periódico mollado na cola de empapelar... E a secar no tendal toda unha semana!!!
Despois puxémoslle o nariz, e de novo ao tendal!!! Outra semana esperando...
E xa, nesta semana, puidemos facerlle os furados para os ollos e pintalas, cada quen do que quixo... e por iso hai de todo, pero sobre todo, príncipes e princesas... pero tamén un gato (Shakira), un tigre (Iker), dous vampiros (Farruco e David) e un león (Jesús).

Aí van as fotos!!!

Preparándonos para o Entroido

2011-02-21T01:00:00.001+01:00

E xa se vai achegando o tempo do Entroido, dos disfraces e das caroutas. A vindeira semana andará o Meco polos corredores do cole cos seus mandados, así que estade atentos e facédelle caso, que se non voltaredes a casa cheíños de fariña.
Nós remataremos as caroutas de pasta de papel que estivemos a facer estas dúas semanas, que mira que tardan e secar!!! Estamos desexando pintalas, pero sobre todo, estamos desexando poñelas!!!

E cómo non, unha vez máis a nosa compañeira Ana Martínez mándanos outro regaliño en forma de libro LIM para que practiquemos coas palabras do Entroido. Grazas Ana!!! Eres unha inesgotable fonte de recursos.

Contacontos da Editorial Kalandraka

2011-02-18T19:30:00.001+01:00

O pasado xoves 17 de febreiro tivemos a visita de dous contacontos da Editorial Kalandraka. Preme na foto para ver a entrada completa no blogue da nosa Biblio.

Xogando na rede II

2011-02-12T12:28:00.001+01:00

Máis xogos na rede. Coma sempre, preme na imaxe para empezar.

Xogando na rede

2011-02-11T16:43:00.003+01:00

Preme na imaxe a continuación para xogar a un montón de xogos... Escolle dos máis sinxeliños, que nesta páxina atoparás tamén xogos para os maiores!!!

Nota: Cyberkidz é unha páxina con xogos educativos para nenos e nenas entre 4 e 12 anos.

Día da Candelaria 2011

2011-02-02T23:00:00.002+01:00

O día 2 de febreiro celébrase o Día da Candelaria ou da Candeloria. A tradición popular di que hoxe, casan os paxaros. Segundo contan, nesta xornada pódese ver a todo tipo de paxaros "máis namorados que nunca" revoando sen parar e deixando escoitar os seus mellores cánticos.
E para celebralo que mellor forma que bailar. Xa podedes escoitar a musiquiña. Se practicamos moito, moito, moito, moitísimo... xa temos baile para o Festival das Letras Galegas!!!

Los colores al portal

2011-01-31T22:35:00.002+01:00

Xa queda algo lonxe o Festival de Nadal, pero como ata o de agora non estiveron os videos en YouTube, non podíamos velos no blogue.

Nenas e nenos, familias... a desfrutar da actuación!!!

Feliz Día da Paz!!!

2011-01-30T00:10:00.002+01:00

Grazas a Ramón por botarlle unha man á escaleira mentres tomaba estas fotos!!!

Preparándonos para o Día da Paz (3)

2011-01-27T16:40:00.002+01:00

Hoxe na Biblio vimos estes dous preciosos videos: o primeiro, en versión karaoke, vennos moi ben para practicar aos que estamos lendo... e o segundo... fálanos de que ainda que somos diferentes hai algo moi grande que nos une.

Preparándonos para o Día da Paz (2)

2011-01-26T23:20:00.003+01:00

A PAZ COMEZA CUN SORRISO.
Por iso, queremos facervos sorrir vendo o ben que escribimos xa. Todas estas mensaxes de paz foron elaboradas polos nenos e nenas da aula de 5 anos de Educación Infantil do CEIP de Pazos, e é a súa contribución ao Libro Colectivo da Paz do ano 2011, que estará á vosa disposición na “Biblioteca Xoán Farias” – A Biblioteca do CEIP de Pazos, a partir do 30 de xaneiro de 2011.

Contacontos no recreo: O horrible mosntro ao que lle encantaba ler.

2011-01-24T23:52:00.008+01:00

Onte no recreo, na Biblio contamos unha historia moi especial sobre o gusto pola lectura e os libros de contos. Pero na semana na que se está a preparar a celebración do Día da Paz, esta historia ía un pouco máis alá, xa que é moito máis agradable adicarse a cousas bonitas que a molestar aos demáis, ou non o credes así???

Podedes ver unha entrada máis completa no blogue da nosa Biblio.

Pero fixádevos ben en quen está nos meus xeonllos!!! Se é o horrible monstro que se escapou do conto!!!

Preparándonos para o Día da Paz

2011-01-23T18:58:00.002+01:00

E para prepararse para o Día da Paz, empecemos a semana cun precioso conto para o recreo na Biblio. É da editorial silabario, que doa 1€ do prezo do libro a un proxecto solidario de axuda á infancia.

Aquí tedes un fragmento do conto:

Entre todos construimos a Paz

2011-01-12T12:42:00.007+01:00

Achégase o Día da Paz e grazas á nosa tan botada de menos profe Ana Martínez que non para... (durmirá esta mulleriña???) podemos xogar con actividades sobre a Paz neste libro LIM. Como sempre preme na imaxe para comezar.

E aquí tamén temos un conto moi especial para traballar a Educación para a Paz, tamén grazas á profe Ana, no que se conta o importante que é unir os esforzos para lograr algo grande.

Ata o 2011!!!

2010-12-21T19:00:00.001+01:00

Este ano haberá que esperar un pouquiño para ver os vídeos do festival...

pero todo chegará!!!

IMAXE DE DUQUES

Calendario para o 2011

2010-12-17T16:00:00.000+01:00

E para celebrar o ano que está a puntiño de comezar, fixemos un calendario para o vindeiro ano que alegrará as nosas casas. Este calendario irá nas carpertas, xunto cos traballos do trimestre, pero por se queredes botarlle unha ollada antes, aquí o tedes en soporte dixital. E xa sabedes, aproveitade as vacacións para pintalo, xa veredes que chulísimo que queda!!!

Picassando: Os tres músicos

2010-12-16T19:00:00.005+01:00

E como non podía ser doutra forma, se falamos de arte, tócanos coller os pinceis e poñernos mans á obra. Desta vez, decidimos entre todos reproducir "Os tres músicos" como agasallo para a aula de música. Aínda non está rematado, pero queda xa moi pouco...

"Todo neno é un artista... o problema é como seguir sendo un artista cando se medra." Pablo Picasso.

Desfrutade coas fotos!!!

Montamos o Belén

2010-12-14T16:00:00.000+01:00

E máis cousas sobre o Nadal, desta vez grazas á miña grande amiga e compañeira a profe Ángeles, que desde Mugardos asómase desde AXanelaDeInfantil. Biquiños, compi!!!

E outro ano máis chegou o Carteiro Real

2010-12-13T17:09:00.003+01:00

E como todos os anos por estas datas, ven ao cole o Carteiro Real a recoller as cartas que con tanta ilusión escribimos para as Súas Maxestades os Reis Magos de Oriente. Pero como unha imaxe vale máis que mil palabras e por se acaso non se nos entendera ben a letra, pegámoslle as imaxes dos nosos xoguetes desexados, para que non lles caiba ningunha dúbida ás Súas Maxestades.

Este ano aproveitamos para sacarnos unha foto diante do coche do Carteiro Real, porque como todos os anos, quedamos coa boca aberta cando entra no patio.

E se non o credes, mirade para as fotos!!!

Preparando o Nadal

2010-12-12T21:38:00.003+01:00

Xa estamos a piques de rematar co noso proxecto de Picasso, aínda que quedan cousas no aire, que probablemente asenten o ano que ven, como o Picasso escultor e o Picasso ceramista...
Agora xa é tempo de preparar as cartas dos Reis Magos, decorar a árbore de Nadal e cantar panxoliñas, e por supostísimo, de preparar o Festival do Cole!!!

Gracias, como non, a nosa ben querida profe Ana, temos este precioso Libro LIM sobre o Nadal. Moitísimas gracias, Ana, non vexas o que nos gusta!!!

Smuacs, smuacs!!!

O día que Picasso coñeceu a Matisse

2010-12-03T16:00:00.001+01:00

Picasso e Matisse foron competidores e rivais entre sí, pois a súa arte era ben distinta.

Nembargantes, souberon aceptar as diferenzas entre eles e chegaron a ser en verdade grandes amigos.

Cabezas como as de Picasso

2010-12-01T16:00:00.000+01:00

Atrévete a pintar como Picasso.

(preme na imaxe para tentalo)

Margarita

2010-11-28T20:36:00.005+01:00

Coñeces a esta nena??? Pois escoita o video e segue o enlace a continuación para aprender sobre ela.

Para saber máis sobre Margarita, preme AQUÍ.

Terá algo que ver con Picasso???

Igualdade e normalidade

2010-11-25T12:00:00.003+01:00

Desde a nosa Biblioteca, "Biblioteca Xoán Farias" - A Biblioteca do CEIP de Pazos, Chispa acordouse de que para loitar contra a violencia de xénero temos que educar na igualdade entre homes e mulleres, entre nenos e nenas. Por iso, invítanos a ver tres preciosos contos que de seguro vos gustarán.

(Preme na imaxe para ir ao blogue da nosa Biblio)

A familia de Pablo Picasso

2010-11-24T19:43:00.000+01:00

Os pais de Picasso chamábanse Jose e María, e tiveron tres fillos: Lola, a maior, Pablo, o do medio, e Concha, a pequena.

E cando Pablo Picasso medrou, namorou e tivo catro fillos, que se chamaban: Pablo, Maya, Claudio e Paloma.
E así foi como descubrimos que a nena do cadro "Niña con barco" era Maya, a propia filla de Pablo Picasso. Vaia sorpresa!!!

Cómo chegou Picasso á nosa aula

2010-11-18T19:01:00.011+01:00

Niña con barco (1938) Picasso.

Este luns a nosa profe chegou cun cadro escondido... pois foino descubrindo pouco a pouco, para poder pensar en cómo vai cambiando o noso punto de vista a medida que imos tendo máis información. De principio parecíanos de todo pero ao final, cando xa o vimos totalmente descuberto, dímonos conta de que se trataba dunha nena que tiña un barco nas mans... Pensamos que título podería ter este cadro e entre todos decidimos que debía chamarse "Niña con barco".

Así que escribimos "NIÑA CON BARCO" en Google Imaxes e desde alí chegamos a unha páxina que nos decía quen o pintara. Grazas a Kelly, que leu o nome do artista, enterámonos de que foi un tal PICASSO, pero non soubemos máis.

Por iso, mandamos unha nota, que escribiu Elia que poñía...

"QUIÉN ES PICASSO? TRAER AL COLE COSAS DE PICASSO"

E ao día seguinte chegou, entre outras cousas, isto:

Así enterámonos de que Picasso nacera en MÁLAGA, e por iso a nosa profe chegou ese día cun mapa de ESPAÑA e nos dixo onde estaba MÁLAGA. Tamén nos contou que o pai de Picasso era profe de pintura nunha escola de A CORUÑA, e que por iso tamén viviu alí, que logo marchou a BARCELONA e que tamén viviu en MADRID. Algún tiña algunha idea de por onde caían estas cidades no mapa (será de velo tempo...) pero en xeral resultounos bastante novidoso o tema do mapa. Escribimos uns carteis para localizar estas cidades.

Na Biblioteca do cole, Chispa deixara para nós dous libros de Picasso enriba da mesa e xa co primeiro aprendimos un montón de cousas sobre él. Aprendimos que cando era neno aprendéralle a debuxar seu pai... que cando marchou a Barcelona estaba moi triste porque perdera a unha paloma branca que debuxara e que pintaba con colores azuis, e que a esa etapa chamóuselle ETAPA AZUL...

Que cando foi a París (Alejandra contounos que unha torre moi rara que sae no conto é a Torre Eifel, e que está en París, que a viu ela cando foi alí cos seus pais) coñeceu a xente do circo que viran á súa paloma e púxose moi ledo e entón empezou a empregar as cores cálidas, como o rosa, e que a esa etapa chamóuselle ETAPA ROSA.

Este conto tamén nos fala que logo Picasso empezou a pintar dunha forma un pouco estrana, e que había moita xente á quen non lle gustaban os seus cadros, nos que non se sabía se estabas de frente ou de perfil, porque debuxaba uns narices e uns ollos moi raros á xente. A esta etapa chamóuselle ETAPA CUBISTA.

Este conto tamén nos presenta a algún membro da familia de Picasso, así que neso andamos...

Facémonos maiores

2010-11-18T18:55:00.004+01:00

¿Recordades cómo éramos hai só dous anos?

Pois todo isto medramos xuntos!!!

Visita a Alcampo Ferrol

2010-11-17T17:10:00.000+01:00

Hoxe visitamos as instalacións de Alcampo, pero non como simples consumidores, xa que nos ensinaron moitas cousas que normalmente non se ven, ou polo menos, pasan desapercibidas!!!

Ao chegar, sacamos unha foto diante do Clube Rik&Rok e despois ensináronnos onde poñían os productos de campaña, que claro, agora está todo preparadiño para que vaian mercar os Reis Magos os nosos agasallos e a verdade é que encantóunos todo ese ambiente de SUPER-NADAL!!!

Despois, leváronnos á froitería, e vimos un montón de froitas exóticas que non tíñamos idea de cómo se chamaban, e menos mal que tiñan etiqueta, porque mira que eran raras!!!

Logo tivemos que poñernos uns gorros e unhas mascarillas coas que estabamos a mar de graciosos, porque entramos na zona de envasado e alí ensináronnos que é o que fan coa carne, onda a gardan e cómo unha máquina, ela soíña, as envasa e lles pega unha etiqueta cun código de barras, o nome e o prezo.

E como xa non nos deu tempo a máis, non puidemos entrar na panadería, pois xa nos empezaban a ruxir as tripas e fomos a merendar no Flünch, que é o restaurante de Alcampo. E ademáis déronnos unha caixa de rotuladores chulísima e un parchís. Non estivo nada mal!!!

De eiruga a bolboreta

2010-11-17T17:00:00.005+01:00

O outro día, na festa do Magosto atopamos unha eiruga moi estrana no patio, pois non era como as que tiñamos nós o curso pasado... Mirade ben cómo era!!!

E á volta do fin de semana encontramos unha bolboreta incríble no patio. Cazouna Sofía, sen mancala nada e metímola nunha caixa que ten uns prismáticos incorporados para vela máis de cerca...

Cómo nos gusta atopar bichiños, collelos para miralos

e logo deixalos libres de novo!!!

Pero pénsao ben... cándo fixo a crisálida esa eiruga peluda???

Logo... non pode ser a mesma!!!

Se queres saber máis sobre a eiruga, pincha AQUÍ.

E se o que queres é saber máis da bolboreta, pincha AQUÍ.

Castañas e buxainas

2010-11-11T21:45:00.003+01:00

Este ano celebramos o Magosto o día de San Martiño, polo que, ademáis de comer castañas, os peóns sairon ao patio e estiveron xirando ao longo de toda a semana.

Pola mañá veu a profe Paula para axudarnos a facer colares de castañas, e ben bonitos que nos quedaron, aínda que mira que estaba dura a pel!!!

Despois bailamos buxainas de man na clase, habíalas de moitos tipos, formas e cores.

Logo, saímos ao patio a comer as castañas que estaban moi quentiñas, pois as acababan de asar os profes Ramón e Pepe, coa axuda de Xaime, de quen se non!!!

E xa por último, xogamos a un montón de xogos con castañas no patio.

Pasamos un día xenial!!!

Contos de medo...

2010-11-10T14:00:00.002+01:00

Este outono Chispa pediunos que escribíramos contos de medo... así que despois do Samaín puxémonos mans á obra, e velaiquí tedes o resultado... Como andivemos algo xustos de tempo, non puidemos escribir o texto completo, pero para a próxima prometemos esforzarnos máis.

Desfrutade moito con esta historia... UUUUUUUHHHH!!!!

O Magosto: A castaña que rebentou de risa.

2010-11-10T00:57:00.008+01:00

E grazas á nosa tan añorada profe Ana Martínez, que non para nunca e que agora está noutro cole, temos dous preciosos libros LIM, moi centrados nestas datas. Cánto te botamos de menos, profe!!! Non pasa un día sen lembrarnos deses tan bos momentos xuntos!!!
O primeiro Libro LIM está baseado no conto elaborado polo Equipo da Biblioteca hai anos e con imaxes de Rosana Rodiles: A CASTAÑA QUE REBENTOU DE RISA.
E o segundo sobre a festa do Magosto. Pasádeo ben con eles!!!

Polo San Martiño, peóns no camiño

2010-11-08T15:37:00.004+01:00

E como todos os anos... "Polo San Martiño, peóns no camiño". Preparádevos para ver como facemos os nosos peóns e os botamos a xirar!!!

Mentras tanto podedes escoitar esta canción que vén da man de Brinquedia, que dí:

Ven comigo “pra” rúa xogar coa bóla,ti me tiras punteirazos, eu che fago un paradón.
Tamén podemos, se queres, probar coa chave, dalle ás aspas co peso, ponlle toda a túa atención.
E non deixes de xirar e non deixes de xirar, e non deixes de xirar.
Fago o camiño como o trompo en San Martiño fago o camiño e non deixo de xirar (bis) {...}

Escritura con imaxes

2010-10-27T17:28:00.005+02:00

E para quentar motores... xoga a escribir palabras tan bonitas como esta, empregando imaxes de Flickr. Podedes empezar polo voso nome, pero hai milleiros de palabras por descubrir. Seredes capaces de gardar as letras do voso nome para compoñelo despois??? Seguro que cun pouco de axuda, si!!!Como sempre, preme na imaxe a continuación para empezar...

Novo curso en modo "pause"

2010-09-19T21:56:00.003+02:00

Xa arrincou un novo curso pero parece que o noso blogue non arranca... Estamos en modo "pause", xa que aínda que xa están os nenos e nenas no colexio, a profe necesita un tempiño máis para estar a punto.

Pero que ninguén se pense que non están a suceder cousas no Cole de Pazos!!! Todo o contrario...

Unha nova profe, chea de cousas que contar, tomou o meu relevo ata que estea recuperada por completo.

Boto moito de menos ese rebulir nas aulas que fan que cada día sexa máxico e especial e é precisamente iso o que me fai coller cada día máis forzas para volver á carga axiña. Apertas para tod@s!!!

Vémonos en setembro!!!

2010-06-29T00:47:00.004+02:00

Moitas grazas por este curso inolvidable!!!
Grazas a todos os profes que pasaron pola miña aula, e a os que non pasaron pero que estiveron alí doutro xeito. Pero, especialmente a tí, Ana, por ser un gran apoio neste ano e todos estes anos.
Grazas tamén a Xaime, que amañou de todo na clase e no cole e se fixo un coidador de vermiños de 1ª.
E por suposto, grazas aos nenos e nenas da miña clase, que foron os verdadeiros protagonistas e as súas familias.
Vémonos en setembro!!!

Festival de Verán 2010

2010-06-23T01:53:00.000+02:00

Grazas familias!!!

2010-06-21T19:00:00.001+02:00

A reciclar!!!

2010-06-12T22:00:00.001+02:00

Este venres a profe Feli quixo aprendernos a reciclar papel... O pasamos xenial con ela, porque a verdade é que os que xa a coñecíamos do ano pasado, botámola moooito de menos!!!

E que esta profe é unha verdadeira caixa de sorpresas!!!

Xa do día de antes as profes puxeron un papel triturado a remollo, pero aínda así tivemos que traballar moito... Batímolo coa batidora coa axuda da profe, que ben clariño nos deixou que os nenos non a podían usar soíños... Logo, comprobamos a textura do puré que acababamos de preparar, metendo as mans no barreño... que divertido!!!

Primeiro sumerximos o panel de rella ben dereitiño e tumbámolo no fondo do barreño e....

¡¡¡arriba!!!

Poñémolo un pouquiño a escurrir a auga, colocamos unhas follas de papel de periódico encima e...

ale-hop!

Media volta e a secar cun pano toda a auga que sobra, retorcéndoo de vez en cando, que é moita a auga que hai que secar!!!

E listo...

Xa podemos levantar o panel de rella e a deixalo secar. Cómo estará o luns cando cheguemos ao cole???

Velaiquí tedes as fotos do proceso:

A Cebra Camila. representada polo CPI de Atios

2010-06-03T21:09:00.007+02:00

Os nenos e nenas de 1º e 2º de Primaria do CPI de Atios, de Valdoviño, representaron hoxe no Centro Cultural Torrente Ballester de Ferrol unha fermosísima obra de teatro que nos deixou a todos coa boca aberta.

A Cebra Camila

E aquí vos deixo o conto.

E grazas á nosa profe Ana, que é tan traballadora, podemos disfrutar da narración do conto e facer un montón de actividades sobre el.

A primavera trouxo...

2010-06-02T21:00:00.000+02:00

A primavera trouxo

bolboretas con lunares

que bailan e fan rodas

entre os tulipanes.

A primavera trouxo

bolboretas amarelas

que levan nas súas antenas

filigranas e arandelas.

A primavera trouxo

bolboretas violetas

que revoan por todos lados

¡son tan pizpiretas!

A primavera trouxo

bolboretas con raíñas

as rosadas e celestes

¡son as máis bonitiñas!

A primavera trouxo

bolboretas multicolores,

tardíñas soleadas,

paxaros e frores.

Vermiños: Á espera das bolboretas

2010-06-02T20:36:00.004+02:00

Aquí tedes a evolución dos nosos vermiños. Cando naceron cabían todos nunha caixa de grampas, logo tivemos que cambialos a outra caixa algo máis grande e agora xa están instalados na caixa que empregamos para criar o ano pasado!!! Nela aínda quedan restos dos ovos dos que naceron hai xa máis dun mes. Pero agora xa empezan a facer as crisálidas de novo...

Estamos ansiosos porque nazan as bolboretas!!!

Desde aquela, moitos coidados e mimos para que agora luzan así de gordechos. Templámoslle as follas de moreira que saen da neveira para que non as noten frías, destapámoslle a caixa para que lles dea a luz do día, cambiámoslles as follas, limpámoslles as cacas, falámoslles, acariñámoslos e incluso os escoitamos, porque sí, sí, se achegas a orella á caixa podes escoitalos. Todo un descubrimento!!!

Poemas de Uxio Novoneyra no Festival das Letras Galegas

2010-05-29T11:02:00.004+02:00

O pasado venres 21 de maio celebramos con algo de retraso o Día das Letras Galegas. Non puido ser antes xa que faltábannos algúns compañeiros do cole que andiveron de excursión.

Este ano os nenos de Infantil aprendimos un montón de cousas sobre Uxío Novoneyra, participando na elaboración do mural da entrada sobre a súa vida e que logo convertiráse en libro... xogando na PDI coas actividades elaboradas pola profe Ana... aprendendo algún pequeno poema seu. Por iso, este ano quixemos homenaxealo recitando.

E aquí nos tedes!!!!

INFANTIL 3 E 4 ANOS

Cai a neve, cai, cai

Falopiña a falopiña

nin o vento a aremuiña

nin a auga a desfai.

INFANTIL 5 ANOS

Canta o Cuco, cala e canta

Dos castiñeiros do Val

Pasa o tempo e non di nada

e volta o Cuco a cantar.

No Día das Letras Galegas, Ti es dos meus

2010-05-17T00:00:00.001+02:00

O DÍA DAS LETRAS GALEGAS ENVÍA UNHA CANCIÓN PARA QUE SE ESCOITE O GALEGO EN TODO O MUNDO.

Que pasaría se o 17 DE MAIO ENVIAMOS UNHA CANCIÓN EN GALEGO aos nosos contactos para que a reenvíen inmediatamente aos seus?

A proposta é facer un agasallo no Día das letras Galegas a quen o saiba apreciar.

Velaiquí tedes o noso agasallo para todos vós.

Cando me agarimas en galego

Compartimos luz e son de seu

Brétema e camelia que no inverno floreceu,

Daquela,

brillo de estrela,

ti es dos meus.

Letras Galegas 2010: Uxío Novoneyra

2010-05-10T01:36:00.006+02:00

Este ano adícaselle o Día das Letras Galegas a Uxío Novoneyra, do que poderedes obter máis información visitando o noso blogue do Equipo de Normalización e Dinamización Lingüística. Preme na imaxe de Novoneyra para seguir o vínculo.

Aquí podedes ver unha preciosa presentación elaborada polo ENDL do CPI Progreso de Catoira; Todo un exercicio de poesía visual cos versos do poeta. Caligramas 100% galegos.

UXÍO NOVONEYRA

E xa por último, aquí tedes unha actividade LIM elaborada pola nosa profe Ana M para demostrar todo o que sabedes deste importante poeta do Caurel.

Condutores de primeira!

2010-04-30T21:30:00.002+02:00

Parque de Educación Viaria en Fene

2010-04-29T18:00:00.001+02:00

Fomos de visita ao Parque de Educación Viaria en Barallobre (Fene) e aprendimos un montón de cousas... a atender á cor dos semáforos, as sinais de CEDA O PASO e de STOP, as de dirección obrigatoria, e sobre todo, que para conducir temos que estar moi atentos para non producir accidentes...

Como o fixemos tan ben, ao final déronnos o Carné de Conducir (de vehículos sen motor, claro) e un Diploma de Bos Conductores. Esperemos que os puntos dúrennos toda a vida!!!

E de paso, aquí vos deixo este vídeo da Fundación Mapfre, que está incluído no DVD "Cebras, A Bailar" do programa educativo de Seguridade Vial "Circulando".

Pintando como Romero Britto

2010-04-25T00:00:00.000+02:00

Poucos seredes xa os que non saibades que é o que andivemos a facer esta semana no cole... Pois parece que estamos en tempo de pintura... pintura por fora, pero tamén pintura por dentro... uns con brocha gorda e nós... con pinceis dos finos!!!

Como estamos a traballar coa familia, escollimos este mural de Romero Britto...

Que aínda non coñecedes a Romero Britto??? Pois se premes na imaxe que tes a continuación, poderás dar unha voltiña pola súa web (en portugués).

Romero Britto é un artista contemporáneo ao que lle gusta achegar a arte á xente, polo que en moitas ocasións expón as súas obras na rúa. Por iso, non é extrano que participara na COW PARADE en varias ocasións. Aquí podedes ver algunha das súas vacas, das que andiveron polas rúas de New York.

Houbo quen pensou que non seríamos capaces, pero tras unha semana de duro traballo e grazas á axuda da profe Ana que permitiu que a profe Rosa estivese dedicada a "supervisar" a obra, ben prontiño poderedes ver o resultado no noso Salón de Actos.

Xogando coas palabras - A familia

2010-04-24T19:00:00.000+02:00

Aquí tedes un xogo para xogar coas palabras e aprender as relacións de parentesco. Como sempre, preme na imaxe para empezar a xogar.

2010-04-23T19:00:00.005+02:00

Hoxe, 23 de abril de 2010, celebramos o Día do Libro cunha gran festa na nosa Biblioteca. Este ano, desde o Concello de Ferrol adicóuselle a Xoan Farias esta grande Festa da lectura, do libro e da palabra.

Nos, desde o CEIP de Pazos adicámoslle tamén a el este día, cun precioso audiovisual sobre a figura de este escritor, nado en Serantes e coa ilustración do conto "Cando Arturo escapou da casa".

Aquí tedes as nosas creacións.

Estamos feitos uns artistas!!!

E como sempre que sucede algo especial na Biblio, soou o máxico "Chis-chis-plof-plof!" e apareceu a maleta de Chispa... pero desta vez tamén apareceron uns paquetes cun envoltorio do máis particular... cheíño de letras... e que era o que había dentro??? Neses paquetes e no Día do Libro, por suposto que houbo un montón de libros de regalo para a nosa Biblioteca, para que os poidamos disfrutar todos e todas, tanto no cole como na casa...

E na maleta... pois un montón de agasallos para todos!!! Esta Chispa... non deixa de sorprendernos!!!

E aquí tedes as fotos!!!

Chispa de paseo polo cole

2010-04-20T22:35:00.004+02:00

Preme na imaxe de Chispa para seguir o enlace ao blogue da Biblioteca.

Cómo chegamos a formar parte dunha familia?

2010-04-15T23:00:00.002+02:00

Hoxe empeza de novo a súa andadura o libro viaxeiro das familias, para que como nós vaia crecendo co paso dos anos... Porque é moi importante para os pequenos e pequenas coñecer e recoñecer a familia á que pertencen, traballaremos a familia e as propias señas de identidade.

Déixovos aquí unha preciosa animación de Pixar, na que se amosa unha particular forma de "chegar ao mundo". Menos mal que nestes tempos xa non cree ninguén que aos nenos os traen as cigoñas!!!

Poesía e Imaxe 2010

2010-04-15T01:33:00.004+02:00

Como cada ano participamos no Certame de Poesía e Imaxe "En galego, sen filtro" ilustrando poemas, esta vez o elixido foi "My shadow" de Rober Louis Stevenson (1850-1894), que dí:

A miña sombra é pequena e sempre vai conmigo,

Pero qué facer con ela eu non o dou aprendido;

É igualiña ca min, dos pes á cachola,

E cando salto para a cama, salta ao meu carón coma tola.

O máis sobranceiro dela é o xeito que ten de medrar;

Non o fai coma os rapaces, pouco a pouco sen parar,

Porque ás veces como un balón de goma se estira,

E outras vólvese tan pequena que ninguén a mira.

Aquí vos deixo as nosas ilustracións deste poema. Disfrutádeas:

Ovos de Pascua

2010-03-29T22:21:00.003+02:00

Nestas vacacións decora ovos de Pascua. Preme na imaxe para xogar.

A hora do planeta: 27/03/2010

2010-03-26T23:00:00.003+01:00

Grazas a "Unha presada de ollomaos" do CEIP Xulio Camba, en Vilanova de Arousa (Pontevedra) chegounos un precioso post que quixeron compartir con nós.

Dende que no ano 2007 máis de 2 millóns de persoas en Sidney (Australia)
decidiron apagar a luz durante unha hora para loitar contra o cambio climático, cada ano vaise xuntando máis e máis xente a esta iniciativa. O próximo 27 de marzo volve a "hora do planeta".

Pocoyó tamén se apunta:

Neste outro vídeo, o da Campaña Oficial 2010, podedes ver cómo vanse apagando as luces en todo o mundo na convocatoria do 2009.

Celebramos o Día da Poesía e do Teatro

2010-03-25T23:01:00.004+01:00

Hoxe é un día de festa no cole. Celebramos o Día da Poesía e do Teatro cun recital de poemas e pequenas obras de teatro, feitas polos nenos e para os nenos. Pero como sabemos que ás nosas familias gústalles ver o que facemos no cole, subiremos videos destas actuacións durante as vacacións na páxina web do centro.

Así que non te olvides de visitar a nosa páxina durante estes días de vacacións.

http://centros.edu.xunta.es/ceipdepazos

Mentras tanto, deixámosvos a nosa pequena contribución a esta celebración.

Grazas a Nuria Tizón e a Rubén Suárez, xa que sin eles - e as prisas destes días - esta montaxe non tería sido posible.

Día da Poesía 2010

2010-03-21T02:00:00.000+01:00

O 21 de marzo celébrase o Día Mundial da Poesía, coincidindo co equinocio de primavera. Este ano varios colexios de Ferrolterra decidimos intercambiar poemas para celebralo.

Porque nos gusta a poesía, porque nos gusta a primavera, porque as historias dos poemas fan que na nosa imaxinación revoen milleiros de bolboretas...

Aquí tedes os nosos poemas:

E os que recibimos do CEIP Unión Mugardesa de Mugardos:

Invadidos de vacas tolas - Cow Parade no lugar!

2010-03-16T00:43:00.006+01:00

Moitas veces, olvídasenos que o verdadeiramente importante nunha aula de infantil sucede por debaixo do metro de altura... Por iso quixen que fosen eles mesmos quen tiraron as fotos nesta actividade, porque nela eles e elas eran os protagonistas... Poñerse de acordo, cooperar, manexar utensilios con destreza e confianza...

A verdade e que esta invasión de vacas tolas e coloristas foi todo un éxito!!!

Esta compilación de fotos é unha selección de todas as que se sacaron nesos días e na que só hai unha que foi sacada pola profe... Ten un punto de vista algo máis "elevado", así que, con esa pista podedes xogar a descubrila.
Ao final saen varias fotos dos utensilios, que aínda que para un adulto poderían pasar desapercibidos na escena, para os verdadeiros protagonistas deber ser realmente importantes, polo número de fotos que había deles.

E aquí tedes os fotógrafos!!!

Animaleando

2010-03-15T01:41:00.007+01:00

Aquí vos deixo uns vídeos sobre os animais, clasificados en:

MAMÍFEROS, AVES, REPTILES E PEIXES

Grazas a todas as contadoras de contos

2010-03-13T00:14:00.004+01:00

Moitísimas grazas a todas!!! Gustounos moitísimo que viñérades ao cole a contarnos contos!!! Encantaríanos que quixérades repetilo!!! Por iso, non nos cansaremos de dicirvos unha e mil veces...

GRAZAS!!!!

Grazas a Ana, a nai de Alba...

Grazas a Mónica, a nai de Anxo e Lucas...

Grazas a Ana, a nai de Irene...

E Grazas a Fina, a avoa de Keira.

Día da Muller Traballadora 2010

2010-03-08T01:26:00.003+01:00

Hoxe chegou a maleta cargadiña de libros para celebrar o Día da Muller Traballadora e grazas a Chispa, podemos ver as fotos de hoxe na Biblioteca. Non deixedes de visita o Blogue da Biblio, que está cargadiño de novidades!!!

Chis, chis, plof, plof!!!

E despois escoitamos o conto titulado "UNA FELIZ CATÁSTROFE", escrito por Adela Turin e ilustrado por Nella Bosnia, grazas á nosa incansable profe Ana. Podédelo ver no seu blogue "Medrando xuntos".

Tamén os deixo aquí un conto sobre Wangari, Premio Nobel da Paz 2004, unha muller que foi un exemplo para a súa comunidade.

A nosa propia Cow Parade

2010-03-01T15:52:00.004+01:00

Estamos dispostos a encher todo o colexio de vacas tan tolas coma as da Cow Parade do ano pasado en Madrid!!!

As fotos aparecerán cando rematemos, pero mentras, deixamos este avance. Ollade quén son os fotógrafos...

Invasión de vacas tolas

2010-02-24T01:16:00.003+01:00

Xoga a crear vacas tan espectaculares como estas da Cow Parade de Madrid!!! pinchando sobre a imaxe.

Entroido 2010: O vídeo

2010-02-24T00:29:00.001+01:00

Atopa o animal agochado entre as follas

2010-02-17T18:54:00.002+01:00

Recrea o fondo do mar

2010-02-17T18:41:00.002+01:00