Hoxe venres, celebramos o Día Mundial da Poesía (21 de marzo) xunto co Día Mundial do Teatro (27 de marzo) cunha pequena reunión na nosa Biblioteca, para a que estivemos preparando este precioso video coas nosas voces, recitando os poemas sobre nos mesmos que inventamos hai xa un tempiño.
Xa estamos en primavera!!! Así que estamos en tempo de observar con atención todos os cambios que se están a producir ao noso redor. Nas árbores, no tempo, nos animaliños... Despois dun longo inverno, chega o bo tempo. Pero ollo, que na primavera tamén chove, e é que xa se sabe: EN ABRIL, AUGAS MIL.
Hai algo máis dun mes e para celebrar o Día da Candeloria empezamos a preparar este fermoso traballo, falando do bo que cada un de nós tiñamos e saíron unhas fermosas poesías. Fixémolas entre todos e logo cada un escribiu a súa. Ademáis a profe sacounos unhas fotos, de frente e de perfil coas que fixemos uns divertidos collages. Poesía para os oídos pero tamén poesía para mirar.E aquí tedes o resultado!!!
Na última maleta de Chispa chegou este fermosísimo libro con CD e DVD da Editorial Kalandraka coas músicas e os bailes de un montón de cancións estupendas para bailar, grandes e pequenos. Pasámolo xenial, e iso nótasenos nas caras!!! Ou non???Nota: o audio orixinal está substituido para facilitar a montaxe.
