Invasión de vacas tolas

Xoga a crear vacas tan espectaculares como estas da Cow Parade de Madrid!!! pinchando sobre a imaxe.

Entroido 2010: O vídeo

Atopa o animal agochado entre as follas

Recrea o fondo do mar

Zoo de letras

Convírtete nun animal salvaxe

Entroido 2010: O Ferrol da Ilustración

Este ano disfrazámonos de damas e cabaleiros de Ferrol na época da Ilustración.

Estábamos así de guapos!!!

Como todos os anos sacamos unha foto co noso Meco, que tamén estivo disfrazado de Ilustrado, entregouse a cesta de entroido que sorteaba o cole para axudar na excursión de Fin de curso aos nenos e nenas de 5º e 6º, fixemos un pequeniño desfile, que facía moito frío, cantamos as nosas cantigas de Entroido, léronse os testamentos do Meco, e queimámolo. Menos mal que Entroido somos nós!!! E despois, chocolate e bola de zucre e biscoitos grazas ás colaboradoras nais da ANPA.

E grazas a Chispa podemos tamén ver cómo foi todo o proceso.

E aquí van as cantigas e os retrousos:

QUÉIMATE MECO, QUÉIMATE XA

QUÉIMATE MECO E DÉIXANOS EN PAZ

QUÉIMATE MECO E XA NON VOLVAS MÁIS

CANCIÓN DE ENTROIDO (Música: A SAIA DE CAROLINA)

XA CHEGA O DÍA DO ENTROIDO, TEMPO PARA DISFRUTARE

SER PARTE DUNHA COMPARSA E UNHA CARAUTA MERCARE

QUE VIVA O ENTROIDO, ENTROIDO XA ESTÁ AQUÍ

COMEMOS E BAILAMOS, A XENTE ESTÁ FELIZ

A XENTE ESTÁ FELIZ, A XENTE ESTÁ FELIZ

QUE VIVA O ENTROIDO, ENTROIDO XA ESTÁ AQUÍ

METE AS PENAS NUN SAQUIÑO, ÍMONOS TODOS XUNTARE

ENTRE BRINCOS E ALBOROTOS, MOI BEN O IMOS PASARE

QUE VIVA O ENTROIDO, ENTROIDO XA ESTÁ AQUÍ...

E VÍNDEO A VER!, E VÍNDEO A VER!

A VER O ENTROIDO QUE ESTÁ TESO E DOÍDO

AO PÉ DO CARBALLO, SENTADO NUN TALLO

SEN TER QUE FACER.

E VÍNDEO A VER!, E VÍNDEO A VER!

QUE XA ESTÁ PARA MORRER

AO RIN CHIN CHIN, AO RABO DE MIN

VEN O ENTROIDO CO SEU TILÍN

AO RIN CHIN CHIN, AO RON TON TON,

VEN O ENTROIDO CO SEU FOLIÓN.

XA ESTÁ AQUÍ, O NOSO ENTROIDO BORRALLENTO,

TODOS ACUDIREMOS A QUEIMALO NUN MOMENTO.

AGORA SÍ, AGORA NON, DEIXARÉMOLO ENTROIDO

BAILAREMOS CON LEDICIA E ENCHEREMOS A BARRIGA

VENTE XA, ACHÉGATE A NÓS

QUE HABEREMOS DE PENSAR SE TE DEIXAMOS QUEDAR.

Animais da granxa

Aquí vos deixo unha webquest estupenda, a través de educastur, o portal da Consellería de Educación do Principado de Asturias, para descubrir e aprender un montón de cousas sobre a galiña.

E para esas cabeciñas curiosas, aquí tedes un enlace a unha páxina na que poderedes encontrar un listado de animais tan grande que atoparedes animais que nin sequera imaxinábades que existían. Bo proveito!

Googleleando

Estamos aprendendo a buscar imaxes en Google, aproveitando o tema dos animais. Primeiro, escribimos na barra do buscador o nome do animal que queremos buscar, ¡e ten que estar ben escrito!, ¡se non non vale!. Despois, temos que premer no botón de "Búsqueda". escollemos a imaxe, clicando sobre ela, logo na barra azul de "Ver a imaxe a tamaño completo". Logo, premer sobre a imaxe co botón dereito do rato, e clicar sobre "Gardar imaxe como". E por suposto, comprobar se a nosa imaxe quedou gardada na "carpeta de destino".

Aquí tedes algunhas fotos desta actividade. Non saímos todos nas fotos porque algúns necesitamos a axuda da nosa profe e non tiña mans para todo!!!

Domésticos ou salvaxes?

Aquí vos deixo este conto titulado Rosa Caramelo, que nos fará reflexionar sobre os estereotipos sexistas, para que ao abordalos, poidan ser aprendidos desde o punto de vista da coeducación.

Ademáis, desde o CEIP Alcalde J.J. Rebollo, de Huelva, temos acceso á webquest sobre o conto.